Kumbulla flet pas humbjes ndaj Juve-s: Performacë e mirë e skuadrës, episodet bënë diferencën
Roma nuk arriti të dalë me rezultat pozitiv nga Torino, pasi u mposht nga Juventus me rezultatin e pastër 2-0.
Rastet nuk munguan për verdhekuqtë, të cilët edhe pse u përpoqën nuk mundën ta shmangnin humbjen.
Përmes një postimi në Instagram ka reaguar edhe mbrojtësi shqiptar i Romës, Marash Kumbulla, i cili u shpreh se ekipi zhvilloi një paraqitje të mirë, por episodet bënë diferencën.
Performancë e mirë e ekipit, episodet bënë diferencën. Ne duhet të vazhdojmë të luftojmë së bashku për t’u rritur. Forca Roma”, shkruan Kumbulla në postimin e tij.