Me ritmin aktual të vaksinimit, pandemia e Covid-19 mund të vazhdojë edhe për 7 vitet e ardhshme

Nëse shpërndarja e vaksinave kundër coronavirusit vazhdon më ketë ritëm, atëherë do të nevojiten edhe shtatë vite që pandemia e COVID-19 të zhduket në mbarë botën, sipas një kalkulimi të Bloomberg.

Bloomberg që zotohet se ka ndërtuar bazën më të mëdha të dhënave të COVID-19, ka bërë një përllogaritje ku thuhet se duhet afro një dekadë që të arrihet imuniteti kolektiv – e me ritmin aktual të shpërndarjes së vaksinave, do të duheshin deri në shtatë vite.

Dr. Anthony Fauci ka bërë të ditur se 70-85 për qind e popullatës duhet të vaksinohen nëse kërkohet arritja e imunitetit kolektiv – e në SHBA pritet që ky objektiv të arrihet në fund të vitit të ardhshëm.

Më shumë se 119 milionë doza të vaksinave janë shpërndarë deri më tani në mbarë botën, kryesisht nëpër vende të pasura.

Për shembull në Izrael deri në pranverë pritet të vaksinohen 75 për qind e popullatës, por në Portugali do të duhej të kalonin deri në katër vite – për faktin se tempoja e shpërndarjes së vaksinës është shumë e ngadaltë.