Kafshojnë rojen për vdekje dhe arratisen nga kopshti zoologjik, tigrat izolojnë një qytet të tërë

Një roje në kopshtin zoologjik në ishullin Borneo është kafshuar për vdekje nga dy tigra të rrallë Sumatran, të cilët më pas u arratisën.

Sipas raportimeve, 47-vjeçari u gjet i vdekur afër derës kryesore me plagë kafshimesh në trup.

Tigrat 18 muajsh arritën të largoheshin pasi rrëshqitja e dheut e shkaktuar nga shirat e rrëmbyeshëm në zonë, dëmtoi kafazet e tyre.

Arratisja e kafshëve të egra shkaktoi shumë trazira në qytetin Singkaëang pasi atraksionet turistike u mbyllën dhe banorët u urdhëruan të qëndronin në shtëpi.

Tigrat Sumatran janë specie në zhdukje dhe ruhen me fanatizëm pasi besohet se kanë mbetur vetëm më pak se 400 prej tyre.