Bushati: Vendit i duhet një qeveri që mendon për qytetarët, jo për oligarkët!
Drejtuesi politik i Qarkut të Shkodrës Helidon Bushati, nëpërmjet një postimi në rrjetet sociale thotë se vendit i duhet një qeveri që mendon për qytetarët dhe jo për oligarkët.
Sistemi i ndërtuar në 8 vite thotë ai, është i pa ndershëm ku taksohet shtresa e mesme dhe favorizohen oligarkët.
‘Do t’i japim fund barrës së rëndë të taksimit, që qeveria u ka vënë njerëzve më të talentuar, më të kualifikuar apo më të suksesshëm në vend’- Shkruan Bushati
Partia Demokratike thotë ai ka një plan të detajuar për të fuqizuar shtresën e mesme, si motorri kryesorë për ekonominë
Postimi i plotë i Helidon Bushatit:
Programi #ShqipëriaFiton synon transformimin e vendit, fuqizimin e familjeve shqiptare, vëmendje për shtresat në nevojë, rritje reale të pagave dhe pensioneve.
I jep fund pandershmërisë së krijuar në 8 vite, ku taksohen qytetarët dhe favorizohen 10 biznesmenë afër kryemisnitrit. Sot çdo qytetar, në kufijtë e mbijetesës i blen ushqimet me TVSH 20 % ndërsa jahtet luksoze paguajnë 0 përqind.
Ky është sistem i pandershëm. Do t’i jepet fund!
Taksa e sheshtë 9%, ul informalitetin dhe rikthen ndershmërinë!
Në fokus të veçantë do të kemi shtresën e mesme!
Një ekonomi e fortë bazën e ka te goditja e monopoleve dhe fuqizimi i shtresës së mesme.
Do t’i japim fund barrës së rëndë të taksimit, që qeveria u ka vënë njerëzve më të talentuar, më të kualifikuar apo më të suksesshëm në vend.
Ka ardhur koha të ndryshojmë.
Vendi ka nevojë për një qeveri që punon për qytetarët e jo për 10 individë që kanë gllabëruar çdo pasuri!