Propaganda me rindërtimin, Nishani: Mashtrimet e Edi Ramës i kanë kushtuar shumë shqiptarëve
Kreu i Këshillit Kombëtar të Partisë Demokratike Bujar Nishani ka reaguar me nje postim në faqen e tij në facebook ndaj prpagandës së Ramës me rindërtimet pas tërmetit.
“A ka turp dhe a nxihet apo skuqet ky njeri, kur ecën mes këtyre rrugëve plot baltë, gropa e plehra të Shijakut, këtij qyteti në mesin e Shqipërisë?”, shkruan Nishani.
“Propaganda mashtruese e Edi Ramës i ka kushtuar shumë shqiptarëve, në bukën e fëmijëve, spitalet e prindërve, rrugët e qytetit, shtëpitë e familjeve”, thuhet më poshtë në shenimin e ish Presidentit.
Ja postimi i plotë:
Edi Rama “inspekton” rindërtimin në Shijak ! [????]
A ka turp dhe a nxihet apo skuqet ky njeri, kur ecën mes këtyre rrugëve plot baltë, gropa e plehra të Shijakut, këtij qyteti në mesin e Shqipërisë ? [????]
Edi Rama ka 20 vite që e qeveris Shijakun dhe 8-të vite që e qeverisë Shqipërinë !
Ende tenton të mashtrojë me propagandën e dalë boje.
Propaganda mashtruese e Edi Ramës i ka kushtuar shumë shqiptarëve, në bukën e fëmijëve, spitalet e prindërve, rrugët e qytetit, shtëpitë e familjeve.
Ta dënojmë me votë më 25 prill !
#25PrillZgjidhja !