Zyrtare/ FFK nuk vonon gjatë, prezanton trajnerin e ri të U21
Federata e Futbollit e Kosovës i dha fund bashkëpunimit me trajnerin e U21-shit ditën e sotme. Mirëpo nuk ka vonuar shumë dhe FFK ka bërë zgjedhjet e veta në pankinë.
Ashtu siç edhe u lakua nëpër media, Mikael Nis do të marrë drejtimin e përfaqësuese U21.
Gjermani prej katër vitesh punonte edhe si drejtor teknik në përfaqësuesen dardane, rol të cilin do e mbajë njëkohësisht me atë të trajnerit të U21.
53-vjeçari u prezantua nga presidenti Agim Ademi, teksa në të kaluarën ka qenë pjesë edhe e Japonisë dhe Afrikës së Jugut, Izrealit, Ruandës.
NJOFTIMI I FFK-së:
Në kuadër të reformave dhe strategjisë së re të FFK-së, sot, presidenti Agim Ademi ka bërë prezantimin e përzgjedhësve të rinj për Kombëtaren U21 dhe për Kombëtaren A në futsall. Kombëtarja U21 tash e tutje do të drejtohet nga Michael Nees, i cili njëherësh është edhe drejtor teknik në FFK tash e katër vjet, derisa Kombëtarja e futsallit nga trajneri i njohur, Arben Simitçiu.