‘Shtëpia e barit’ habiti policinë gjermane, shqiptari nën akuzë
Një shqiptar 47-vjeçar është vendosur nën akuzë nga prokuroria në Paderborn të Gjermanisë.
Ai akuzohet për trafik droge dhe si pjesëtar i një grupi kriminal.
Shqiptari kishte udhëtuar qëllimisht drejt Gjermanisë, aty ku kishin ngritur një ‘shtëpi bari’ që kishte habitur policinë gjermane.
Sipas autoriteteve, niveli i sofistikimit në këtë banesë për kultivimin e kanabisit nuk ishte parë ndonjëherë në Paderborn.
Mbi 300 rrënjë kanabis u gjetën në banesën e pajisur me kushte optimale klimatike dhe me një sistem profesional ndriçimi.
Shqiptari nuk ka treguar bashkëpunëtorët pasi nuk ka folur që prej atëherë, duke ruajtur të drejtën e tij për të qëndruar i heshtur.