Gareth Bale dështim edhe te Tottenhami, Mourinho: Nuk aktivizoj lojtarë që s’e meritojnë

Është koha ajo heq dyshimet dhe në rastin e Gareth Gale, i cili vazhdon të përjetojë një moment të vështirë në karrierën e tij, faji duket se nuk paska qenë i Real Madridit.

Sulmuesit uellsian vazhdojnë t’i mungojnë minutat në Angli, sikurse i ndodhi në sezonet e fundit në Spanjë.

Tani nuk mund të ngushëllohet as nga Jose Mourinho, trajneri i Tottenhamit, i cili e bëri të qartë se nuk do t’i japë minuta nëse nuk i meriton.

Këtë deklaratë e bëri në konferencën për shtyp para ndeshjes së sotme kundër Wycombe, në FA Cup.

“Nuk mund t’u jap minuta lojtarëve pa e merituar, është diçka që mund të bëj”, nisi shpjegimin e tij portugezi kur u pyet për Bale.

“Të gjithë i dimë vështirësitë që ai kishte për disa sezone. Të gjithë e dimë që erdhi i dëmtuar, të gjithë e dimë se edhe këtë sezon ka luhatje për shkak të disa gjërave të vogla. Më e rëndësishme për të është që të jetë i qëndrueshëm në stërvitje, të punojë me intensitet të lartë dhe pa shfaqur ndonjë problem. Kur një lojtar është i qëndrueshëm në stërvitje, ai është i gatshëm të fitojë minuta”, tha tekniku portugez.

Bale është aktivizuar vetëm 623 minuta deri tani këtë sezon, duke marrë pjesë në vetëm katër ndeshje të Premier League dhe në një sfidë të FA Cup.

Në Europa League ka luajtur diçka më shumë, në gjashtë ndeshje.

Gjatë gjithë kësaj kohe ai kurrë nuk ka qenë në gjendje ta mbyllë një ndeshje të plotë.

Nga Anglia sigurojnë që fati i Bale është i përcaktuar: ai do të kthehet në Madrid, pasi “Spurs”-at kanë vendosur të mos e rinovojnë huazimin e tij.