Tirana mposhti konkurrencën e dy klubeve italiane për sulmuesin e Kombëtares së Finlandës

Pasi klubi i Tiranës siguroi shërbimet e sulmuesit kampion me Helsinkin, Tim Varienen, nëpër mediat e huaja u bë bujë transferimi i sulmuesit të Kombëtares së Finlandës te bardheblutë.

Media italiane “TuttoMercatoWeb”, jep lajmin e kalimit të 27-vjeçarit finlandez te kryeqytetasit, ku deklaron se ishte lojtar i lirë dhe ka firmosur me klubin e Tiranës që ka mposhtur konkurrencën e Ascolit dhe të Virtus Entelës, të cilat militojnë në Serinë B italiane.