Po rregullonte depozitën në tarracë, një grua bie nga lartësia

Një grua ka rënë nga një lartësi e konsiderueshme, në rrugën ‘Sinan Tafaj’ në Tiranë.

Burime nga policia kanë bërë të ditur se gruaja rreth 54-vjeçe ka qenë duke rregulluar depozitën në tarracë kur ka rrëshqitur.

Polica Tiranë/ Informacion paraprak

Më datë 17.01.2021, rreth orës 19:50, në rrugën ‘Sinan Tafaj’, aksidentalisht ka rënë nga lartësia shtetasja M. Xh, 54 vjeçe, e cila po dërgohet në spital për të marrë ndihmë mjekësore.

Grupi hetimor po vijon punën për sqarimin e rrethanave të ngjarjes.