Detaje/ Vajza përplaset për vdekje në derë të shtëpisë, ja çfarë tha shoferi i ndalur nga policia
Një ngjarje e rëndë u shënua në Tiranë këtë mesditë kur një vajzë 10 –vjçare u përplas për vdekje nga një makinë.
Aksidenti ka ndodhur përballë banesës së të miturës.
Kjo e fundit ka marrë plagë të rënda nga përplasja dhe ka ndërruar jetë në spital, ndërsa shoferi i cili ndodhet i shoqëruar ka pretenduar se i është prerë rruga nga vajza, megjithatë ende nuk kanë përfunduar veprimet hetimore për zbardhjen e shkaqeve dhe fajësisë për aksidentin.
Shoferi, i quajtur Alban Guri është i ndaluar nga policia.
Ja njoftimi i policisë:
Tiranë/Informacion paraprak
Më datë 17.01.2021, rreth orës 12:30, në rrugën “Njazi Meka”, mjeti me drejtues A. G., ka aksidentuar këmbësoren e mitur me iniciale A.P., 10 vjeçe, e cila si pasojë e plagëve të marra, ka ndërruar jetë në spital.
Drejtuesi i mjetit është shoqëruar në Komisariatin e Policisë Nr.4, për veprime të metejshme.
Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes.