Goditet rëndë Milani, dy lojtarë me Covid-19 para Cagliarit

Vijojnë të shtohen telashet për trajnerin e Milanit, Stefano Pioli, pasi listës së mungesave i shtohet edhe dy futbollistë të tjerë, të cilët kanë rezultuar pozitiv ndaj koronavirusit dhe janë vendosur menjëherë në izolim.

Bëhet fjalë për Theo Hernandez dhe Hakan Calhanoglu, të cilët do të mungojnë në ndeshjen kundër Cagliarit, por me shumë gjasa edhe në atë ndaj Atalantës dhe Interit.

Sigurisht që mungesat janë të rëndëishme për trajnerin Pioli, pasi dyshja ka qenë pjesë kyçe e 11-shes së formacionit.