DETAJE- VIDEO/ Vjedhja ne dyqanin e telefonave, tre grabitësit u përplasen me policin
Detaje te reja janë bërë publika nga tentativa për grabitje ndodhur në qytetin e Fierit.
Tre grabitësit që kanë thyer derën e një dyqani telefonash janë pikasur në këtë tentative nga një punonjës policie i cili ka qenë duke shkuar në punë.
Ata janë përplasur fizikisht me punonjësin dhe kanë goditur edhe makinën e tij private.
Ja njoftimi i plotë i policisë:
Fier/Informacion paraprak
Sot rreth orës 06:10, në lagjen "Kongresi i Përmetit", Fier, tre persona të paidentifikuar kanë tentuar për të vjedhur dyqanin e celularëve në pronësi të shtetasit R. C.
Gjatë tentativës për të kryer vjedhjen autorët janë pikasur nga një punonjës i policisë i cili po shkonte për të marrë shërbimin në zonën policore.
Punonjës i Policisë ka ndërhyrë për të parandaluar vjedhjen duke u përplasur fizikisht me autorët, të cilët gjatë largimit kanë goditur me automjetin e tyre mjetin privat të punonjësit të policisë.
Në vendngjarje janë fiksuar prova materiale të lëna nga autorët të cilat do të shërbejnë në zbardhjen e ngjarjes dhe identifikimin e kapjen e autorëve.
Janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve.
Grupi hetimor nën drejtimin e Prokurorisë vijon punën për zbardhjen e rrethanave të ngjarjes.