I mashtroi sy për sy me sistemin e ujit të pishëm, banorët e lidhin kryebashkiakun në pemë

Në qytetin jugor meksikan të Chiapas, një kryebashkiak është lidhur në pemë nga banorët e tërbuar vendas, pasi u prezantoi atyre ‘sistemin e ri’ të ujit të pijshëm në gjendje të rrënuar dhe jofunksionale.

Të hënën, kryebashkiaku Óscar Ramírez, po prezantonte një seri projektesh në infrastrukturën publike, pasi ua kishte premtuar banorëve të qytetit të Frontera Comalapa.

Përfaqësues të pakënaqur nga 11 komunitete nga të cilat përbëhet qyteza në kufi me Guatemalën, të zemëruar për gjendjen e rrënuar të sistemit të ujit të pijshëm, ngritën pyetje ndaj Ramírez dhe më pas e kapën atë duke e mbajtur kundër dëshirës së tij për njëfarë kohe.

Ramírez ishte fotografuar me maskë ne fytyre dhe me duart e lidhura prapa një peme.

Një burrë në video që identifikohet si përfaqësues i shoqatës së banorëve dëgjohet duke dënuar gjendjen e keqe të depozitës së ujit prej betonit.

Lideri i komunitetit ngjitet mbi depozitën dhe gërvisht sipërfaqen e saj, e cila është mbuluar me beton për të parandaluar rrjedhjen e ujit.

“Ai na premtoi se do të bënte një punë të mirë për njerëzit e Comalapa, por kjo ishte e gjitha një mashtrim sepse sistemi i ujit nuk punon”, tha rezidenti i cituar nga e përditshmja El Sol de Mexico.

Ramírez doli dje në rrjetet sociale duke u përpjekur të mos i jepte rëndësi incidentit duke thënë se nuk ishte lidhur në pemë, edhe pse kjo dukej qartë në fotot.

“Ata nuk më lidhën”, tha ai. “Ishte një takim me 11 përfaqësues të zonave në Comalapa për prezantimin e sistemit të ujti të pijshëm”.