VIDEO/ Brahimllari nga Korça: Rama gllabëroi 5 mln euro për 1 km në Qafë të Qarrit

Rruga Korça-Erseke, Edi Rama gllabëroi 5 milionë euro për 1 kilometër.

Deklarata është bërë nga sekretari i Përgjithshëm i LSI-së, Endrit Brahimllari.

Sipas tij, të rinjtë të papunë largohen nga vendi, ndërsa Rilindja mbush xhepat në kurriz të tyre.

‘Jemi sot këtu në Qafën e Qarrit, në zonën e Kolonjës aty ku hajdutëria e Edi Ramës ka kapur kulmin. 4 kilometra rrugë, 20 milion euro, kur ndërkohë loti i parë është përfunduar në 2012-n me më pak se 1 milion euro kilometri.

Ka ndryshuar projektin per te rritur artificialisht koston.

Edi Rama në vend që këto para t’i dërgojë për të hapur vende të reja pune, për të suportuar biznesin vendas me qëllim që të kenë mundësi që të rinj dhe të reja të punësohen në këtë vend të mrekullueshëm, i çon në xhepin e tij.

Pra, dëshira e Edi Ramës nuk është për të investuar, nuk është për të hapur vende të reja pune, por është për të gllabëruar taksat dhe paratë e qytetarëve të këtij vendi’, tha Brahimllari në një deklaratë nga Qafa e Qarrit.