Presidenti i Interit ul kostot financiare, s’do ketë investim në merkato

Asnjë investim në merkato, ulje të kostove, por të gjithë të bashkuar për ta përfunduar sezonin në mënyrën më të mirë të mundshme dhe për të dhënë gjithçka për Interin.

Kjo do të ishte përmbajtja e samitit midis Steven Zhang dhe Antonio Contes.

Takimi midis presidentit të ziklatërve, menaxherëve dhe trajnerit u zhvillua në “Appiano Gentile”, me Zhang që u lidh “online” nga Nanjing.

Një samit në të cilin u bë një analizë e situatës në mes të sezonit, planifikimi i muajve të ardhshëm, duke filluar nga merkatoja, ku përparësia do të jetë ulja e kostove për të siguruar qëndrueshmëri dhe stabilitet të shoqërisë.