`Froni i Perëndive` në Shqipëri, mbulohet nga dëbora e parë!
Fotografi i njohur Nuri Çumani, ka postuar ditën e sotme në faqen e tij në FB, disa fotografi nga “Froni i Perëndive” në Shqipëri i mbuluar nga dëbora e fundit.
Bëhet fjalë për Teqenë e Kulmakut e cila ndodhet në majën e Malit Tomorr rreth 2416 metra mbi nivelin e detit. Pamjet që sjell nga lart fotografi Çumani janë madhështore dhe konfirmojnë vargjet e poetit Andon Zako Çajupi:
“Baba Tomorr kish’ e Shqipërisë
Mal i lartë i Perëndisë
Tek ti vijnë njerëzit që moti
Për të parë ç`urdhëron Zoti”.
Kurse poeti kombëtar Naim Frashëri thoshte: “Në Tomorr qëmoti, atje rrinte Zoti”