Studimi: Britania duhet të vaksinojë 2 milionë persona në javë që të parandalojë valën e tretë të pandemisë

Britania duhet të vaksinojë dy milion njerëz në javë për të shmangur një valë të tretë të shpërthimit të koronavirusit, ka treguar një studim nga London School of Hygiene and Tropical Medicine (LSHTM).

Mbretëria e Bashkuar ka pasur më shumë se 71,000 vdekje nga koronavirusi dhe ka regjistruar mbi 2.3 milion raste të infeksioneve COVID-19 që nga fillimi pandemisë.

"Skenari më i rreptë i ndërhyrjes me shkallën 4 në të gjithë Anglinë, shkollat e mbyllura gjatë janarit dhe 2 milion individë të vaksinuar në javë, është skenari i vetëm që kemi konsideruar i cili zvogëlon ngarkesën e pikut të ICU nën nivelet e parë gjatë valës së parë", tha studimi.

"Në mungesë të shtrirjes së konsiderueshme të vaksinave, rastet, shtrimet në spital, pranimet në ICU dhe vdekjet në 2021 mund të tejkalojnë ato në vitin 2020."

Kryeministri Boris Johnson dhe këshilltarët e tij shkencorë kanë thënë se një variant i koronavirusit, i cili mund të jetë deri në 70% më i transmetueshëm, po përhapet me shpejtësi në Britani, megjithëse nuk mendohet të jetë më vdekjeprurës ose të shkaktojë sëmundje më të rëndë.