Më i miri i FIFA-s/ Zbulohen votat e Shqipërisë. Ja zgjedhjet e Rejës, Berishës dhe Shakohoxhës

Në Zyrih është zhvilluar ceremonia e dhënies së çmimeve për më të mirët e vitit 2020.

FIFA ka zgjedhur Robert Lewandowskin si futbollistin më të mirë të vitit, i cili ka mposhtur dyshen tjetër të nominuar, Messi – Ronaldo.

Trajneri i Kombëtares kuqezi Edi Reja, kapiteni Etrit Berisha dhe gazetari Dritan Shakohoxha kanë përfaqësuar Shqipërinë me votat e tyre. Për trajnerin më të mirë të vitit Reja, Berisha dhe Shakohoxha kanë votuar Jurgen Kloppin. Kurse për futbollistin më të mirë ka pasur preferenca të ndryshme. Ja votat e tyre:

TRAJNERI MË I MIRË:

Edi Reja – Jurgen Klopp, Hansi Flik dhe Julen Lopetegui

Etrit Berisha – Jurgen Klopp, Hansi Flik dhe Marcelo Bielsa

Dritan Shakohoxha – Jurgen Klopp, Zinedine Zidane dhe Julen Lopetegui

LOJTARI MË I MIRË:

Edi Reja – Robert Leëandoëski, Cristiano Ronaldo dhe Mbappe

Etrit Berisha – Lionel Messi, Robert Leëandoëski dhe Mbappe

Dritan Shakohoxha –  Cristiano Ronaldo, Lionel Messi dhe Robert Lewandowski

ÇMIMET E FIFA-s:

Portieri më i mirë i sezonit u shpall Manuel Neuer, i Bayern Munchen dhe kombëtares gjermane. Ai mposhti konkurrencën e Alisson Becker (Liverpool, Brazil) dhe Jan Oblak (Atletico Madrid, Slloveni).

Ndërsa, trajneri më i mirë i vitit u shpall Jurgen Klopp, i Liverpool. Kandidatët e tjerë ishin Marcelo Bielsa (Leeds) dhe Hansi Flick (Bayern Munchen).

FIFA publikoi edhe formacionin më të mirë të vitit: Alisson; Alexander-Arnold, Sergio Ramos, Van Dijk, Davies; De Bruyne, Alcantara, Kimmich; Messi, Lewandowski, Cristiano.

Ndërkohë, Son Heung-Min, koreano-veriori i Tottenham, fitoi çmimin “Puskas” për golin më të mirë të vitit.