Braimllari nga Korça: Të gjithë bashkë për të mposhtur papunësinë dhe arrogancën e Rilindjes
Ish deputeti i LSI-së Endrit Braimllari ka zhvilluar një takim me qytetarët e Korçës, ku ka theksuar se të gjithë janë bërë bashkë për të mposhtur papunësinë, arrogancën dhe papërgjegjshmërinë e Rilindjes.
‘Ne kemi një mision kombëtar të bëjmë Korçën dhe Shqipërinë shtëpinë tonë, shtëpinë e të rinjve si një forcë e jashtëzakonshme transformuese’, ka shkruar Braimllari në Facebook.
Postimi i plotë i Endrit Braimllarit:
Sot zhvilluam takime në Korçë, i emocionuar nga entuziazmi i të rinjve dhe të rejave, burrave dhe grave që janë bërë të gjithë bashkë për të mposhtur papunësinë, arrogancën dhe papërgjegjshmërinë e Rilindjes.
Beteja jonë vazhdon për të kthyher shpresën në vënd, për të hapur vënde të reja pune të mirëpaguara për të përballuar koston e jetesës.
Ne kemi një mision kombëtar të bëjmë Korçën dhe Shqipërinë shtëpinë tonë.
Shtëpinë e të rinjve si një forcë e jashtëzakonshme transformuese.
#Shqipëria_Shtëpia_Juaj????????