U akuzua se organizoi protestën, Reagon PD Shkodër: Boll më me inskenime! Qytetarët duan ndryshim!

Pas akuzave nga Taulant Balla dhe Ilir Beqja se PD ka organizuar protestën e sotme, ka ardhur edhe reagimi i Partisë Demokratike Shkodër duke e quajtur inskenimi nga Edi Rama dhe policia që të vret natën dhe të qan ditën.

Në deklaratën e saj, PD Shkodër ka theksuar se ‘e vërteta është se policia, gjatë gjithë manifestimit të sotëm ka qënë inekzistente dhe nuk ka reaguar as kur është vënë në dijeni se çfarë po ndodhte. Policia nuk ka ushtruar detyrën funksionale të ruajtjes së sigurisë së qytetarëve dhe mbarëvajtjen e protestës’.

Reagimi i plotë:

Reagimi i Partisë Demokratike Dega Shkodër

Të dashur bashkëqytetarë,

Inskenimi i ngjarjeve të sotme nga Edi Rama dhe policia që të vret natën dhe të qan ditën, si dhe akuzat e dala nga goja e Taulant Ballës dhe Ilir Beqjes se PD ka organizuar protestën e sotme, janë totalisht të pavërteta.

E vërteta është se policia, gjatë gjithë manifestimit të sotëm ka qënë inekzistente dhe nuk ka reaguar as kur është vënë në dijeni se çfarë po ndodhte. Policia nuk ka ushtruar detyrën funksionale të ruajtjes së sigurisë së qytetarëve dhe mbarëvajtjen e protestës.

Nxitja e dhunës dhe e kaosit i sherbën vetëm Edi Ramës për të hequr vëmendjen nga keqqeverisja dhe dështimet e tij në këto 7 vite. 

Protesta është e drejtë legjitime dhe ajo duhet të ushtrohet pa pengesa dhe tejkalime.

Edi Ramën,Taulant Ballën dhe Ilir Beqjen  nuk e beson më askush. Manipulimet dhe inskenimet e tyre janë tashmë të përsëritura dhe të dala boje. Përçarja që duan të mbjellin në Shkodër do të rëndojë vetëm mbi to. Shkodranët pa asnjë dallim, janë bashkë, në mbrojtje të jetës dhe demokracisë.

Boll më me inskenime, me nxitje dhune me gjuhë agresive ndaj qytetarëve. Ata nuk durojnë dot më talljen, nëpërkëmbjen, mashtrimin e kësaj qeverie, që të vret natën e të qan ditën.  Qytetarët duan ndryshim!