Rama shpërndan lajme të rreme/ Abilekaj: ERTV shkel lirinë e medias
Gazetari Enton Abilekaj, deklaroi në Çim Peka LIVE se raporti i Parlamentit Europian, ku thuhet se kryeministri Edi Rama është shpërndarës i lajmeve të rreme me mediat e tij, Top Channel dhe Tema, nuk është i thelluar.
Ai tha se raporti duhej të kishte analizuar më shumë median.
Më tej, Abilekaj u përplas me zëvendësministrin e Shëndetësisë, Albert Nikolla, që tha se ERTV është një stacion televiziv opsional si gjithë të tjerët.
“Ne si gazetare nuk mund të informohemi për asgjë zyrtare nëse nuk ndjekim ERTV-në. Ajo është një agjenci private e pashpallur. Nëse ne duam të shohim se si është gjendja nëpër spitale, duhet të shohim ERTV-në.
Ne jemi të detyruar që të marrim pamje nga ERTV. Është një shkelje e pastër e ligjit, por mbi të gjitha shkelje e lirisë së medias.
Në aktivitetet e kryeministrit nuk lejohen kamera, në spitale nuk lejohen kamera,” tha Abilekaj.
Kurse gazetari Ylli Rakipi tha se ERTV është burimi kryesor i lajmeve të rrema dhe propagandës bolshevike.