VIDEO/ Makina rrokulliset në një parcelë në rrugën Lezhë-Laç

Tjetër aksident ka ndodhur ditën e sotme në autostradën Lezhë-Laç.

Një makinë ka dalë nga rruga dhe ka përfunduar në një parcelë anash saj.

Mjeti duket se është rrokullisur disa herë në parcelë, ndërsa mësohet se ka mbetur e plagosur një grua.

Aksidenti ka ndodhur tek kryqëzimi i fshatit Markatomaj, ku si pasojë ka marrë dëmtime Pashke Frroku, e cila ndodhet në spitalin Rajonal Lezhë, jashtë rrezikut për jetën.

Policia ka nisur hetimet.