VIDEO e arrestimit/ Do shisnin bomba me telekomandë, kapen të rinjtë
Kapen dhe vihen në pranga 2 shtetas që tentonin të trafikonin drejt Malin e Zi dy bomba me telekomandë. Në kuadër të hetimit u organizua dhe u finalizua operacioni policor i koduar "Distanca", si rezultat i të cilit u bë e mundur kapja dhe arrestimi në flagrancë i shtetasve:
Erol Çiçi, 33 vjeç, banues në Durrës, i denuar për drejtim mjeti mënyrë të parregullt;
Mariglen Gruda, 30 vjeç, banues në Durrës, i denuar për vjedhje dhe prodhim dhe shitje narkotikësh.
Këta shtetas u kapën në flagrancë në vendin e quajtur "Rrethrrotullimi i Shëngjinit", në hyrje të qytetit të Lezhës.
Ja njoftimi:
Specialistët për Hetimin e Narkotikëve dhe Trafiqeve të Paligjshme në DVP Lezhë, nën drejtimin e Prokurorisë, pas një hetimi proaktiv njëmujor, bënë të mundur parandalimin dhe goditjen e një tjetër rasti të tentativës për prodhim dhe trafikim të bombave me telekomandë për shpërthim në distancë.
Në kuadër të hetimit u organizua dhe u finalizua operacioni policor i koduar "Distanca", si rezultat i të cilit u bë e mundur kapja dhe arrestimi në flagrancë i shtetasve:
-E. Ç., 33 vjeç dhe M. G., 30 vjeç, banues në Durrës (të dënuar me parë).
Këta shtetas u kapën në flagrancë në vendin e quajtur "Rrethrrotullimi i Shëngjinit", në hyrje të qytetit të Lezhës.
Gjatë kontrollit të ushtruar nga Policia, në çantën e shtetasit M. G. janë gjetur dy bomba me mekanizëm shpërthimi në distancë nëpërmjet aparatit telefonik celular, ku njëra ishte me lëndë të dyshuar plasëse e llojit tritol dhe tjetra me lëndë të dyshuar si plasëse e llojit dinamit, të cilat dyshohet se do t’i trafikonin në drejtim të Malit të Zi.
Strukturat hetimore të DVP Lezhë, nën drejtimin e Prokurorisë së Rrethit Gjyqësor Lezhë, po vijojnë veprimet hetimore për identifikimin e personave të tjerë të implikuar në këtë veprimtari të paligjshme.
Materialet hetimore do t’i referohen Prokurorisë së Rrethit Gjyqësor Lezhë, për veprën penale “Trafikimi i lëndëve plasëse, djegëse, helmuese dhe radioaktive” kryer në bashkëpunim.