VIDEO/ Karvani madhështor i automjeteve që shoqëroi trupin e Maradonës nëpër rrugët e Buenos Aires
Buenos Aires doli e gjitha në rrugë të mërkurën në mbrëmje për të shoqëruar trupin e yllit argjentinas Diego Armado Maradona, i cili vdiq në moshën 60 vjeçare, pas një arrest kardiak në shtëpinë e tij në qytetin e Tigre-s.
Pas autopsisë së kryer në spitalin “San Fernando”, trupi i tij u transferuan në “Casa Rosada”, selia e pushtetit ekzekutiv të Argjentinës, ku do të mbahen homazhet.
Në disa video që janë bërë virale në rrjetet sociale, ju mund të shihni karvanin e madh të makinave dhe motoçikletave që u formuan rreth automjetit ku ndodhej trupi i legjendës argjentinase.