Ekzekutohet 21 vjeçarja me breshëri automatiku pas sherrit për jashtëqitjen e qenit

Një person është shpallur fajtor pasi kishte qëlluar me breshëri automatiku mbi dy persona që po shëtisnin qenin e tyre.

Nga të shtënat humbi jetën vajza 21 vjeçare Isabella Thallas ndërsa u plagos rëndë I dashuri saj.

Sipas dëshmive ngjarja kishte ndodhur pasi qeni me të cilin po shëtiste çifti kishte kryer jashtëqitje në afërsi të apartamenti të agresorit.

Thallas dhe i dashuri i saj, Darian Simon, ishin duke ecur me qenin e tyre pranë 29th Avenue dhe Huron Street këtë verë.

U qëllua për vdekje vajza që po shëtiste qenin e saj, ndërsa i dashuri i saj u plagos nga 24 të shtënat e burrit të zemëruar për ndotjen e qenit, u tha në gjyqin e të akuzuarit.

Burri, i identifikuar si Michael Close, kishte hapur zjarr me një armë tipi AR-15, kur qeni i çiftit kishte bërë jashtëqitjen në një kopësht para apartamentit të tij në Denver, Colorado, duke ulëritur: “A do ta mësoni atë dreq qeni, apo më duhet të ulëras?”

Në videon e siguruar nga kamerat e sigurisë që prokurorët shfaqën në gjyq, shihej Close që ngrinte grilat dhe më pas drejtoi armën nga çifti.

Hetuesi i policisë, Joseph Trujillo, tha se të shtënat ndodhën pasi Close e Simon u konfrontuan me fjalë për ndotjen e qenit jashtë apartamentit të Close.

Ai tregoi se autoritetet kishin gjetur gjashtë gëzhoja pranë ndërtese dhe 18 të tjera jashtë shtëpisë së tij pas sulmit.

Close është akuzuar me vrasje të gradës së parë dhe disa akuza të tjera pasi ishte larguar nga vendngjarja dhe u arrestua nga policia më vonë gjatë ditës.