Biden siguron aleatët e SHBA-së, komunikon me drejtuesit e Japonisë, Koresë së Jugut dhe Australisë

Udhëheqësit e Japonisë, Koresë së Jugut dhe Australisë të enjten riafirmuan planet për të krijuar lidhje të ngushta me presidentin e zgjedhur e për të trajtuar çështje përfshirë ndryshimi i klimës dhe siguria rajonale.

Tre aleatët kryesorë aziatikë - Kryeministri japonez Yoshihide Suga, presidenti i Koresë së Jugut Moon Jae-in dhe kryeministri australian Scott Morrison - bashkohen me liderë të tjerë globalë në njohjen e fitores e Joe Biden në zgjedhjet presidenciale në SHBA.

Të gjitha palët shprehën vendosmërinë e tyre për të forcuar lidhjet dypalëshe si dhe për të trajtuar çështje globale të tilla si pandemia e koronavirusit dhe ndryshimi i klimës, tha zyra e Biden.

Suga i Japonisë foli me Biden me telefon dhe konfirmoi rëndësinë e lidhjeve dypalëshe.

"Presidenti i zgjedhur Biden tha se ai pret të forcojë aleancën SHBA-Japoni dhe të punojë së bashku për arritjen e një Indo-Paqësori të lirë dhe të hapur," u tha Suga gazetarëve, në komente të veçanta të bëra në Zyrën e Kryeministrit.

Biden më parë kishte komunikuar me udhëheqësit e Gjermanisë, Mbretërisë së Bashkuar, Kanadasë dhe Francës, por Kina dhe Rusia deri më tani kanë ndaluar të përcjellin urimet e tyre dhe të flasin me Presidentin e zgjedhur.