Zyrtarizohen detajet/ Data, ora dhe stadiumi ku do të luhet vëllazërorja Shqipëri-Kosovë
Federata Shqiptare e Futbollit ka përcaktuar axhendën e “vëllazërores” mes Shqipërisë dhe Kosovës, e cila do të zhvillohet në datën 11 nëntor.
Kjo përballje është vendosur të zhvillohet në “Elbasan Arena” në orën 16:00.
Është zgjedhur Elbasani duke qenë së impianti modern i “Air Albania” nuk është gati, për shkak të fushës, e cila është në fazë rikonstruksioni.
Kujtojmë që në miqësoren e fundit të zhvilluar mes Kosovës dhe Shqipërisë, triumfuan dardanët me rezultatin e pastër 3-0.
Asokohe, kuqezinjtë drejtoheshin nga italiani Christian Panuci.