Basha: Shqiptarët po marrin kredi për të paguar ilaçet anti-Covid
Gjatë një takimi masiv me studentët të organizuar në Qytetin Studenti, kreu i opozitës Lulzim Basha ka deklaruar se qeveria i ka braktisur shqiptarët në këto kohëra të vështira.
Basha është shprehur se shqiptarët po marrin kredi për të paguar mjekimet anti-Covid.
Duke folur për mësimin online, Basha i shpreh se studentët ishin përgatitur për të nisur shkollën në mënyrë të rregullt, por në mënyrë të befasishme, pa asnjë njoftim kjo gjë ndryshoi.
‘Studentët kanë paguar qiratë e shtëpive, kanë lënë punën në qytetet e tyre për të ardhur në shkollë.
Kujtohen 3 ditë para, ndërkohë studentët kanë bërë shpenzime për të qëndruar në Tiranë.
Vendimi për të kaluar mësimin online, i pabesë dhe me pasoja të mëdha për studentët.
Qeveria t'u shpërndajë tablete familjeve për të lehtësuar procesin mësimor online.
Studentët shqiptarë, jo të varfër por të vjedhur.
Kam 5 javë që bëj thirrje për subvencionimin e tabletëve për mësimin në distancë
Kjo pandemi vetë sa i hoqi maskën kësaj qeverie.
Rrugëdalja është të kthehen taksat tek qytetarët, jo tek inceneratorët.
Basha: Na duhet sot që të gjithë kapacitetet t'i vëmë funksion në luftën ndaj pandemisë
Vizioni ynë për shëndetësinë, shtim i stafit mjekësor dhe ndihmës për shërbim shëndetësor në kohë dhe cilësor.
Qeveria duhet të pajisje me mjete mbrojtëse të gjithë mjekët dhe infermierët.
Qeveria duhet të mbulojë paketën e ilaçeve anti-Covid.
Qytetarët po marrin kredi për të paguar ilaçet e kurës anti Covid
Qeveria duhet të blejë tamponët, të testojë dhe të mbulojë ilaçet për të sëmurët.
Të gjithë spitalet publike dhe shumica e klinikave private në kolaps nga keqmenaxhimi i pandemisë’, tha ndër të tjera Basha gjatë takimit me studentët.