Skandali/ Qeveria mbyll universitetet, shton tubimet elektorale
Sot duhej të niste viti i ri akademik. Por krejt papritur, pak ditë përpara se të niste mësimi, qeveria shpalli mbylljen e auditorëve.
Ata që kishin shpenzuar dhe ishin bërë gati, mbetën me gisht në gojë.
Ndërkohë, ky do jetë viti i dytë që shkon dëm për të rinjtë e auditorëve.
Zemërimi në rrjetet sociale është shumë i madh.
Kjo për shkak se tubimet elektorale të qeverisë janë të mbushura me të rinj që dalin me hir e pahir në takime.
Fotot e të rinjve që mbushin sallat e qeverisë, por që nuk mund të ulen në auditore, janë bërë të zakonshme në rrjetet sociale këto ditë.
Jo vetëm kaq, por tubimet elektorale të PS po rrezikojnë jetën e të pranishmëve.
Kreu i grupit parlamentar të PS, Taulant Balla tha sot se nuk rrezikohet askush.