Komisioneri i Zgjerimit 'zmbraps' Ramën: Prisni Venecian për Kodin Zgjedhor
Komisioneri i Zgjerimit Oliver Varhelyi ka zmbrapsur Edi Ramën, në lidhje me Kodin Zgjedhor.
Me një status në Twitter, Varhelyi shkruan se Rama dhe mazhoranca e tij duhet të presin Komisionin e Venecias, ku presidenti ka dërguar ndryshimet e 30 korrikut në Kodin Zgjedhor të miratuar në mënyrë të njëanshme nga Rama.
‘Kodi Zgjedhor i Shqipërisë: Kam besim se Komisioni i Venecias do t’i këshillojë së shpejti palët shqiptare për implementimin e ndryshimeve kushtetuese të 30 korrikut.
Parlamenti duhet të marrë në konsideratë të presë për votimin për të llogaritur edhe këtë këshillë. Pres me padurim zgjedhje të lira e të ndershme në prill 2021’, shkruan Komisioneri i Zgjerimit në Twitter.
#Albania electoral code: I trust @VeniceComm will provide swift advice to Albanian stakeholders on the implementation of Constitutional Changes of 30 July. Parliament should consider waiting w revote to take this advice into account. Look fwd to free&fair elections in April 2021.
— Oliver Varhelyi (@OliverVarhelyi) October 26, 2020