Zbardhet vjedhja e ndodhur para 11 vitesh, identifikohet shqiptari
Policia gjermane arriti të zbardhë një vjedhje të ndodhur këtu e 11 vite më parë në Oeding.
“Një skenë e mirë krimi gjithmonë jep rezultat,” tha një zëdhënës i policisë.
ADN e siguruar në skenën e krimit ka bërë të mundur zbardhjen e identitetit të autorit të ngjarjes.
Por personi nuk ishte identifikuar në regjistrat e policisë gjermane. Tani gjërat kanë ndryshuar.
Hajduti është identifikuar në Britaninë e Madhe. Autoritetet britanike thanë se bëhet fjalë për një 39-vjeçar nga Shqipëria.
Tani ka një urdhër arresti për shqiptarin. Por një pyetje mbetet: Ku ndodhet tani ai?