16 milionë euro për një 16-vjeçar, e shohin si Luis Figon e ardhshëm

Manchester United shpenzoi në merkaton e fundit rreth 40 milionë euro për dy talente si uruguaiani Pellistri e Amad Traore dhe nuk ka ndërmend të ndalet në politikat e tij për të rinjtë.

Talenti i radhës në shënjestrën e “Djajve të Kuq” është 16-vjeçari, Luis Gomes, i konsideruar si një Luis Figo i ardhshëm i futbollit portugez.

Mësohet se oferta e parë prej 16 milionë eurosh bashkë me bonuse është refuzuar nga Sportingu i Lisbonës, por bisedimet mes palëve ende vijojnë për një akord që do t’i kënaqte të gjitha palët.