Pas arsimit dhe policisë, COVID-19 pushton gjykatën në Elbasan/ Disa punonjës rezultojnë të infektuar

Pas rasteve me Covid në arsim dhe polici, Gjykata e Shkallës së Parë në Elbasan është mbyllur pasi disa punonjës kanë rezultuar me COVID-19.

Sipas informacioneve, janë infektuar kryesekretarja, sekretarja dhe disa punonjës teksa u është marrë tamponi dy gjyqtarëve dhe punonjësve të tjerë.

Punonjësit rezultuan me COVID-19 pasi bënë skanerin kurse është e konfirmuar që të paktën për nesër Gjykata e Elbasanit do jetë e mbyllur.

Në Elbasan raste të shumta infektimesh ka dhe në shkolla teksa disa mësues kanë rezultuar ditët e fundit me COVID-19.