Juventus nuk gjen qetësi, dy futbollistë të tjerë të infektuar

Pas Cristiano Ronaldo-s dhe Weston McKennie, Juventusi së fundmi ka konfirmuar edhe dy raste me Koronavirus. Bëhet fjalë për skuadrën e 23-vjeçarëve, ku ka rezultuar pozitiv një lojtar dhe një pjesëtar i stafit teknik.

Kjo është njoftuar nga bardhezinjtë, të cilët bëjnë me dije se futbollisti Tomaso Barbieri dhe një anëtar i stafit, pas testeve të kryera, kanë rezultuar pozitiv. Të dy janë futur menjëherë në karantinë, për të mos rrezikuar infektimin e të tjerëve dhe të nisin ndjekjen e rregullave të autoriteteve shëndetësore.