Ndryshon Drejtori i Policisë Shkodër, pas vrasjeve dhe kanabisit/ Ja kush emërohet drejtori i ri
Policia e Shkodrës ka dështuar pas dy vrasjeve, një atentati dhe parcelave me kanabis dhe si pasojë ka shkarkuar nga detyra, drejtorin e Policisë Niko Brahimaj.
Largimi i tij mendohet se ka të bëjë me ngjarjet e fundit dhe dështimin e policisë në zbardhjen e ngjarjeve kriminale.
Në vend të Brahimaj, Drejtori i ri i Policisë Shkodër është emëruar Lorenc Meta, shef komisariati në këtë qytet.
Ngjarjet kriminale filluan me Edison Çutaj dhe Klement Pepaj të cilët u vranë në Malësinë e Madhe, ndërkohë që aty u gjetën edhe parcela me kanabis.
Më pas iu bë atentat shefit të Policisë Bashkiake Malësi e Madhe, Mentor Hasanajt, në lagjen Dobraç të Shkodrës.
Asnjë prej autorëve të këtyre ngjarjeve nuk është arrestuar.