U shpall kampion bote, Robin Krasniqi sjell në Kosovë titujt e fituar
Dy ditë pasi fitoi titullin kampion në WBA, boksieri shqiptar, Haxhi Robin Krasniqi ka vendosur të udhëtojë në drejtim të Kosovës për ta ndarë gëzimin me bashkatdhetarët e tij.
Boksieri nga Juniku ka postuar një foto në rrjetin social Instagram, teksa në duar mban dy titujt e fituar.
“Krenaria më e madhe në jetë t’ia sjell Kosovës titujt e botës”, ka shkruar në Instagram Haxhi Krasniqi.
Kujtojmë që Krasniqi mundi me nokdaun Dominic Boesel në raundin e tretë, duke u shpallur kampion bote.