Në 28 vjetorin e martesës Michelle numëron arsyet pse e dashuron Barack Obama-n
Për Michelle dhe Barack Obama dje ishte një ditë e shënuar pasi çifti festoi plot 28-vite martesë.
Ishte ish-Zonja e Parë e SHBA-së, ajo që me anë të një postimi në rrjetet sociale, ndau me ndjekësit domethënien e kësaj date për familjen Obama.
Në një foto me ish-presidentin e Amerikës ajo tregoi se sa vite numërojnë bashkë çifti Obama, duke bërë gjithashtu dhe një dedikim kushtuar bashkëshortit në rrugën e ndarë bashkë gjatë 28 viteve.
“28 vite bashkë. Unë e dua Barack Obamën për buzëqeshjen e tij, karakterin e tij dhe dhembshurinë e tij.
Shumë mirënjohës që e kam atë si një partner në gjithçka që jeta na përballë. Të dua, Barak “.- ka shkruar Michelle.
Kujtojmë që çifti është martuar në Trinity United Church of Christ në Çikago dhe është prind i dy vajzave Malia dhe Sasha.