‘Ndërhyrje të shpeshta në fjalët e njëri-tjetrit’/ Reagime të ashpra pas debatit të parë ‘Trump-Biden’
Reagimet ndaj debatit presidencial midis Presidentit republikan Donald Trump dhe ish-Nënpresidentit demokrat Joe Biden, ishin të ndara në linja partiake.
Por, ajo që bie në sy janë kritikat e ashpra për mbarëvajtjen e debatit, të shoqëruar me ndërhyrje të shpeshta në fjalët e njëri-tjetrit.
Ronna McDaniel, kryetarja e Komitetit Kombëtar Republikan, shkroi në Twitter pas debatit se "Për nëntëdhjetë minuta, @realDonaldTrump paraqiti argumente të forta dhe bindëse për rizgjedhjen e tij dhe sfidoi Joe Biden-in për mbështetjen që ai u ka dhënë politikave radikale që do të rrisnin taksat, shkatërronin vendet e punës dhe do t’i bënin komunitetet tona më pak të sigurta".
For ninety minutes, @realDonaldTrump made a confident, commanding and compelling case for his re-election and took Joe Biden to task for supporting radical policies that would raise taxes, destroy jobs and make our communities less safe. (1/3)
— Ronna McDaniel (@GOPChairwoman) September 30, 2020
Tim Murtaugh, drejtori i komunikimit për fushatën e rizgjedhjes së Presidentit Trump, i tha korrespondentes së Zërit të Amerikës Carolyn Presutti se paraqitja e presidentit ishte "fantastike".
"Ajo që panë shikuesit ishte Presidenti Trump, i cili ishte në kontroll të çdo momenti të debatit. Joe Biden ishte dobët, në kërkim të dikujt që mund ta shpëtonte", tha Murtaugh.
Figurat e njohura të demokratëve, ndërkohë, thanë se debatin e fitoi ish-Nënpresidenti Biden dhe se paraqitja e presidentit Trump ofroi arsye të shumta për t'i mohuar atij një mandat të dytë.
"Donald Trump ka dështuar me gënjeshtrat, fanatizmin dhe udhëheqjen e tij të pamatur", shkroi në Twitter senatori Cory Booker nga Nju Xhërsi, i cili garoi kundër Biden-it në zgjedhjet paraprake të demokratëve në fillim të këtij viti. Senatori Booker në veçanti denoncoi presidentin për qëndrimin ndaj supremacistët e bardhë, që në vend që t’idënonte , u bëri thirrje që të "presin".
Donald Trump has failed this country with his lies, bigotry, and reckless leadership.
— Cory Booker (@CoryBooker) September 30, 2020
We can't have four more years of a president who tells white supremacists to "stand by."
The choice in this election is very clear. https://t.co/AQNVH52gt4
Shumë vëzhgues të debatit kritikuan ashpër shkëmbimet me zë të lartë dhe kaotike midis dy kandidatëve, duke përfshirë gazetaren eWashington Post-it, Karen Attiah, e cila e quajti debatin "një turp kombëtar".
This whole debate is a national embarrassment
— Karen Attiah (@KarenAttiah) September 30, 2020
Disa analistë, përfshirë historianin presidencial Michael Beschloss, kritikuan ashpër presidentin. "Demokracia u nëpërkëmb sonte nga një President i cili shkeli rregullat, refuzoi të dënonte supremacistët e bardhë dhe nuk toleroi asnjë formë të mospajtimit, një shenjë paralajmëruese e asaj që mund të shihet në një mandat të dytë," shkroi Beschloss në Twitter.
Democracy was trashed tonight by a President who ran roughshod over the rules, refused to condemn white supremacists and would not tolerate any form of dissent—a harbinger of what a second term might be like.
— Michael Beschloss (@BeschlossDC) September 30, 2020
Të tjerët, si ish-senatori republikan Jeff Flake, shprehën keqardhje për të gjithë spektaklin. "Ne jemi një vend më i mirë se sa ajo që u shfaq sonte," shkroi Flake në Twitter.
We are a better country than was on display tonight.
— Jeff Flake (@JeffFlake) September 30, 2020
Profesori i shkencave politike në Universitetin e Virxhinias, Larry Sabato, postoi një mesazh të prerë në llogarinë e tij në Twitter: "Anuloni debatet e mbetura presidenciale".
CANCEL THE REMAINING PRESIDENTIAL DEBATES. It is impossible to have an orderly, productive exchange with Donald Trump. Stop pretending otherwise. #Debate2020
— Larry Sabato (@LarrySabato) September 30, 2020
Por Tim Murtaugh i mbrojti shkëmbimet, duke i quajtur ato sqaruese. "Unë mendoj se një bisedë e lirë si ajo që bëri presidenti ishte në të vërtetë e mirë, lejon një shkëmbim më të mirë të ideve dhe i ofron shikuesit ndryshimin e vërtetë midis të dyve", tha ai./ VOA/