Bojkoti i futbollit, ja çfarë thotë Rudi Vata në ‘Fair Play’

Në emisionin “Fair Play” me gazetaren Enkeleida Zeko në Syri TV, në një lidhje “Skype” është ish-kapiteni i ekipit tonë kombëtar, Rudi Vata.

Tema kryesore e këtyre ditëve është bojkoti i Superiores nga ana e klubeve, gjë për të cilën Vata tha: Më vjen shumë keq që futbolli është bojkotuar. Nuk është kjo zgjidhja e problemeve. Më vjen keq për futbollistët, për trajnerët, të cilët kanë bërë përgatitje për të filluar kampionatin. Jam i sigurtë që profesionistët duhet të jenë në fushë. Kjo është një situatë administrative. Duhet t’i zgjidhin njerëzit që merren me administratën. Futbollistët duhet të luajnë. Të gjitha kërkesat janë të drejta, madje ka dhe shumë kërkesa të tjera që i duhen kërkuar qeverisë, por duhet t’i zgjidhin me njëra-tjetrën Federata dhe qeveria”.