Rezultat i papritur në Hoffenheim-Bayern, ja çfarë u ndodh kampionëve të Europës në Bundesligë
Hoffenheimi ka surprizuar Bayern Munchen, pasi e ka mundur thellë 4-1.
Një rezultat shokues ky për bavarezët, pasi vinin nga një formë shumë e mirë ku së fundmi fituan edhe Superkupën e Europës kundër Sevillas.
Vendasit shënuan me Biçakriç në minutën e 16-të dhe Dabur në të 26-ën.
Kimish ngushtoi për Bayernin në minutën e 36-të dhe me këtë rezultat u mbyll edhe pjesa e parë.
Në pjesën e dytë edhe pse trajneri Flik bëri ndryshime duke futur Lewandowskin, Goretzkën dhe Coman, nuk arriti të ndryshonte rrjedhën e ndeshjes.
Madje bavarezët u ndëshkuan sërish nga Hofenheimi me anë të Kramariç, që shënoi në minutën e 77-të.
Në fundin e takimit, vendasit fituan edhe një penallti të cilën Kramariç e shndërroi në gol dhe vulosi rezultatin përfundimtar të ndeshjes, 4-1.