Nga modelet shqiptare të famshme në Amerikë, Emina Çunmulaj zgjedh më të mirën dhe atë më pak të mirën!

Modelja e famshme në Shqiptari dhe në Amerikë, Emina Çunmulaj ka qenë e ftuar për herë të parë në “Shiko Kush LUAN” me Luana Vjollcën, në premierën e sezonit të katërt.

Sfidës “Ndaje ose Haje” nuk i shpëtoi dot as modelja e njohur; por si gjithmonë e sinqertë dhe pa dorashka Emina iu përgjigj plot sportivitet pyetjes pikante.

Emina u vendos para një vendimi mjaft të sikletshëm ku duhet të rendiste modelet shqiptare nga më e mira tek më pak e mira: Tika Camaj, Angela Martini, Adrola Dushi dhe Xhesika Berberi; ku dy vajzat e fundit i kishte përballë.

Renditja e Eminës ishte kjo:
E para Xhesika Berberi, në vendin e dytë Angela Martini, e treta Adrola Dushi dhe në fund modelja shqiptare me famë ndërkombëtare; Tika Camaj.