Luana vjen me imazhe atraktive nga xhirimet e klipit të ri
Këngëtarja e njohur, Luana Vjollca, ka publikuar së fundmi bashkëpunimin e saj më të ri me këngëtarin e njohur kolumbian, Jay Santos.
“Locos” mban titullin kënga e re e dyshes, e cila është ritmike dhe e gërshetuar në dy gjuhë: shqip dhe spanjisht.
Luana erdhi si gjithmonë mjaft e freskët dhe atraktive në klip, duke mahnitur fansat me performancën e saj.
Së fundmi, ajo vendosi që të ndajë me ndjekësit e saj në rrjetet sociale disa fotografi nga xhirimet, një pjesë e të cilave u kryen në Aeroportin “Nënë Tereza” në Rinas.
Ajo dukej mjaft tërheqëse dhe provokuese në një kostum të gjelbër, teksa vinte në pah këmbët e tonifikuara.
Pëlqimet dhe komentet nga ana e ndjekësve kanë qenë të shumtë, për të cilët mesa duket skena e xhiruar pranë aeroplanëve është pjesa e tyre e preferuar nga klipi.