Teuta njofton rinovimin e kontratës me 6 futbollistë

Kanë qenë protagonsit absolut te skuadra e Teutës në edicionin futbollistik 2019-2020. Dhe skuadra durraske i ka besuar sërish këtyre futbollistëve, pasi ditën e sotme ka njoftuar rinovimin e kontratës me ta.  Bëhet fjalë për emra të tillë si: Renato Arapi, Emiljano Vila, Lorenco Vila, Fabian Beqja, Florent Avdyli dhe Blagoja Todorovski. Këta lojtarë vijojnë përgatitjet për sezonin e rij, që nis për përplasjen me Beitar Jeruzalemin. Firmosja e kontratës së re nga Lorenzo Vila hedh poshtë zërat se talenti durrsak mund të largohet jashtë Shqipërisë.

 Njoftimi i Teutës:

“KF Teuta ka dëshirë t’ju informojë se ka arritur marrveshjen edhe për një sezon me këta lojtarë: Renato Arapi, Emiljano Vila, Lorenco Vila, Fabian Beqja, Florent Avdyli dhe Blagoja Todorovski, të cilët kanë gjetur akordin për vazhdimin e bashkëpunimit dhe për sezonin e ardhshëm.

Vazhdimësia e tyre te Teuta, në fakt, nuk është vëë në asnjë moment në diskutim, megjithatë, kur hidhet e zeza mbi të bardhë, siguria është e plotë. Gjatë futbollistë, që patën kontribut të madh në mbylljen e sezonit me pjesëmarrjen në Europa League dhe suksesin në Kupën e Shqipërisë, lidhen në kontratë me ekipin durrsak edhe për sezonin e ardhshëm.