Kush është 25 vjeçari që humbi jetën në aksident në Vlorë

Është zbuluar emri i drejtuesit të automjetit që humbi jetën këtë pasdite në aksin rrugor Orikum-Fushë Dukat.

Ai është 25 vjeçari, Renato Shpata, I cili në momentin e aksidentit po udhëtonte bashkë me dy pasagjerë të tjerë.

I riu mësohet se kishte marrë plagë të rënda në kokë dhe në trup, të cilave nuk u mbijetoi dot.

Ndërsa  për sa i përket gjendjes së dy shokëve me të cilët po udhëtonte, 25 vjeçari nga Korça, njëri prej tyre gjithashtu ndodhet në gjendje të rëndë, ndërsa tjetri në gjendje më të qëndrueshme.