Presidenti i La Ligas në prag të dorëheqjes

Presidenti i kampionatit spanjoll, Javier Tebas, po mendon të japë dorëheqjen pas publikimit të lajmeve se ka shkaktuar “konflikt interesi” në futbollin iberik.

“El Diario” raporton se Tebas po merr në konsideratë mundësinë për të dorëzuar postin në fjalë.

E gjithë historia ka të bëjë se Tebas i ka kërkuar klubit Fuenlabradas 130 mijë euro pagë në këmbim të ofrimit të “asistencës ligjore”.

Por, dy vite më parë, djali i tij u bë anëtar i klubit të Fuenlabradas në shkelje të hapur me procedurën e La Ligas.

Tebas shkaktoi furtunë në mediat e huaja ku akuzoi CAS-in si “institucion të vdekur të drejtësisë së futbollit” pasi i hoqi dënimin 2-vjeçar Manchester Cityt për t’u rikthyer në kompeticionet e futbollit europian.

Ai drejton La Ligan që prej vitit 2013 dhe ka shkaktuar shumë herë debate me deklaratat e tij të ashpra.

Ai njihet si promotori që disa ndeshje të kampionatit spanjoll të luhen në SHBA.