I infektuar me koronavirus, Presidenti i Brazilit kafshohet nga një zog i madh tek po e ushqente
Presidenti i Brazilit, Jair Bolsonaro, është parë jashtë rezidencës zyrtare të hënën, ku kishte dalë për t’i ushqyer disa zogj të mëdhenj, që ngjajnë me strucin. Megjithatë, jo gjithçka i shkoi mirë, sepse një fotograf e ka kapur momentin kur njëri prej këtyre zogjve ia kafshon dorën presidentit të famshëm.
Ai doli në kopshtin e pallatit “Alvorada” dhe u dha ushqim zogjve të quajtur rhea, të cilët janë zogjtë më të mëdhenj në Amerikën Jugore, shkruan “Wionews”.
Bolsonaro gati qe një javë është duke qëndruar në karantinë pasi u diagnostikua me koronavirus. Ai të hënën tha se nuk po mund të qëndrojë në izolim dhe se do ta bëjë edhe një test tjetër. Presidenti ka thënë se është duke u ndier mirë dhe meritat për këtë ia ka lënë trajtimit me hidroksiklorokinë, një ilaç që nuk është dëshmuar shkencërisht për efektet kundër koronavirusit.
13 07 2020 O presidente Jair Bolsonaro é bicado por uma ema enquanto alimentava os animais, no Palácio da Alvorada, durante seu isolamento após ser diagnosticado com Covid 19 pic.twitter.com/kkaG0SUzuf