COVID-19/ Rriten lehtë rastet e reja në Itali
Krahasuar me ditën e shtunë, rastet e reja me koronavirusi në Itali kanë pësuar një rritje të lehtë.
Në 24 orët e fundit, autoritetet shëndetësore italiane kanë bërë të ditur se janë konfirmuar 234 persona pozitivë me Covid-19, ndërsa të shtunën ishte 188 raste të reja.
Gjithashtu, në 24 orët e fundit kanë ndërruar jetë 9 persona, 8 nga të cilët vetëm në rajonin e Lombardisë.
Po ashtu, ka një shtim edhe të pacientëve të cilët kanë përfunduar në terapi intensive. Aktualisht janë 13,179 persona aktivë me koronavirusi.