Zidane konfirmon: Vinicius pati problem me testin e Koronavirusit

Zinedine Zidane ka zbuluar se ka pasur një problem me testin për Koronavirusin e bërë nga Vinicius dhe se braziliani do duhet ta bëjë testin sërish.

Trajneri i Real Madridit e zbuloi këtë kur u pyet për rastin e Luka Jovic, i cili është izoluar në shtëpi pasi kishte pasur kontakt me një mikun e tij që kishte qenë pozitiv me virusin.

Në konferencën për shtyp Zidane u shpreh: “Doktorët na informuan se testi kishte shkuar keq dhe se duhej ta ribënim. Ndonjëherë gabimet ndodhin. Kur një gjë e tillë ndodh lojtari nuk mund të stërvitet. Ne do t’i kemi përgjigjet e testit këtë pasdite”.