Zidane publikon listën e lojtarëve të grumbulluar për sfidën kundër Getafes
Mbrëmjen e nesërme Real Madrid luan ndaj Getafes në shtepi, në kuadër të javës së 33-të në La Liga.
“Los Blancos” kanë shansin e artë të thellojnë diferencën nga Barcelona, e cila u ndal në barazim 2-2 në përballjen kundër Atletico Madrid.
Dhe ditën e sotme trajneri i madrilenëve publikoi dhe listën e lojtarëve të thirrur për këtë takim.
Në listën e 24 futbollistëve të grumbulluar bie në sy mungesa e mesfushorit Eden Hazard, i cili nuk do të jetë prezent në këtë sfidë. Tekniku franceze e ka lënë jashtë 29 vjeçarin, pasi nuk dëshiron të rrezikojë në një tjetër dëmtim të kyçit të këmbës.
" Ne duhet t’i marrim gjërat ngadalë me Hazard. Nuk kam dyshim që Edeni do të jetë përsëri në fushë për një kohë të shkurtër ", tha Zidane.
Megjithatë trajneri i madrilenëve do të llogarisë për këtë sfidë shërbimet e Lucas Vazquez dhe Luka Jovic, të rikthyer për herë të parë që prej rifillimit të kampionatit spanjoll.
???? ¡Estos son los 24 jugadores convocados para enfrentarnos al @GetafeCF!@CodereApuestas | #HalaMadrid pic.twitter.com/6MFGo1rV2G
— Real Madrid C.F.? (@realmadrid) July 1, 2020